Dat garra koronadoaibmabijut dagahit Norgga hearkin ođđa dávdaleavvamiidda, oaivvilda epidemiologa Eiliv Lund.
Birrasiid ovtta prosentii Norgga álbmogis lea leamaš njommon koronavirus. Disdaga dieđihii Álbmotdearvvašvuođainstituhtta ahte epidemiija lea unnume dál.
– Dat vuollegis logut leat dan sivas go giddejedje servodaga. Livččiimet dahkan nu go ruoŧŧelaččat, de livčče ollu alladeappot lohku, ja dan dáfus lassána immunitehta, lohká professora emeritus epidemiologiijas Eiliv Lund VG:i.
– Lea hearkivuohta strategiijas. Lea jurddašuvvon ahte jus gidde buot nu guhká go sáhttá, de dat jávká, muhto mii eat sáhte hehttet ahte dat boahtá fas olggobealde. Dalle ferte vuorddašit boahku dahje medikamentealla divššu, muhto jus dat ii dáhpáhuva, de gártá divrrasin giddet olles servvodaga. Mii hoigat dušše dan bártti ovddosguvlui, lohká son.
(©NTB)
