Siri Broch Johansen lea dál okta Kulturráđi viđa lahtus.
Vihtta ođđa lahtu ja guokte várrelahttu válljejuvvojedje bearjadaga Stáhtaráđis Kulturráđđái. Ođđa lahtuid áigodat álgá ođđajagemánu 1. beaivvi 2024 ja bistá juovlamánu 31. beaivvi 2027 rádjái.
Okta sis guhte válljejuvvui ođđa lahttun Kutlurráđđái lea lávdedáiddár Siri Broch Johansen.
– Kulturráđis lea guovddáš rolla Norgga kultureallimis. Lahtut galget váikkuhit dasa ahte dáidda ja kultuvra buvttaduvvo, seailluhuvvo, duođaštuvvo, ja várra deháleamos, ahte dáidda ja kultuvra lea olámuttos buohkaide miehtá riikka. Mun mielas lea gelddolaš oaidnit maid dat ođđa lahtut buktet Kulturráđđái iežaset doaimma ja fágalaš gelbbolašvuođa vuođul. Mun vuorddán álo čielga sáhkavuoru ja nana áŋgiruššama ovddidit dáidda- ja kultursuorggi, dadjá kultur- ja dásseárvoministtar Lubna Jaffery ráđđehusa neahttasiiddus.
Kulturráđđi lea fágalaččat sorjjasmeahttun barggus, ja hálddaša Norgga kulturfoandda dáidda- ja kulturfágalaš árvvoštallama vuođul daid bajimus láidestusaid vuođul maid Stuoradiggi ja Kultur- ja dásseárvodepartemeanta leat addán.
Dá leat Kulturráđi ođđa lahtut:
Professor Jan Fredrik Hovden, Bergen
Govvadáiddár Toril Johannessen, Bergen
Lávdedáiddár Siri Broch Johansen, Deatnu
Musihkar Nasra Ali Omar, Romsa
Koreográfa Hooman Sharifi, Oslo
Várrelahttut:
Rektor John Øivind Eggesbø, Stavanger
Musihkar Solveig Slettahjell, Oslo
