Álbmotdearvvašvuođainstituhtta (FHI) álggaha barggu háhkat buoret oppalašgeahčastaga das movt koronadávda leavvá Norggas.
Dassážii gávdnojit dušše dihtordieđut mat muitalit koronanjoammuma birra ja man olu olbmot leat buohcceviesuin, čállá Bergens Tidende.
– Dihtordieđut čájehit dušše ovtta oasi dávdda ektui, eat ge mii dieđe geas sáhttá leat dávda vaikko eai leat dávdamearkkat, dadjá Álbmotdearvvašvuođainstituhta ossodatdirektevra Per Magnus Bergens Tiende áviisii.
Dál galget 1200 soalddáhis Suodjalusas dárkkistit sihke infekšuvnnaid ja antiávdnasiid dávdda vuostá. Dasa lassin galget sin oapmahaččat geain lea dávda searvat iskkadeapmái. Miessemánu rájes galget olbmot geat servet «Den Norske svineinfluensaundersøkelsen og Den norske mor, far og barn-undersøkelsen» iskojuvvot infekšuvnnaid ja antiávdnasiid ektui.
– Ulbmil lea kártet njoammuma áiggi mielde ja dat lea dehálaš danne go mii ballat dávdda leavvamis fas, nuvt fertet fas doaibmabijuid bidjat. Ovdamearkka dihte lea hui váivi jus šaddat fas giddet skuvllaid ja mánáidgárddiid, dadjá Magnus.
(©NTB)
