Rema 1000 ja Norgesgruppen barget jođánit háhkat doarvái maniid beassážiidda, muhto ain leat muhtun hástalusat.
Norgesgruppen, mii lea biebmogávppiid nu go Kiwi ja Meny duogábealde, dieđiha ahte sin gávppiin leat doarvái manit beassážiidda, muhto ahte leat báikkálaš erohusat.
– Mii oaidnit ahte muhtin gávppit leat vuovdán visot. Mii dattetge oažžut dađistaga maniid, nu ahte lea vejolaš oastit maniid, vaikko soaitá fertet válljet eará molssaeavttu go dan maid láve, dadjá Norgesgruppen gulahallanhoavda Kine Søyland NTB:i.
Maŋemus beivviid lea Norggas leamaš olu manneváili.
Nortura lea váruhan olbmuid oastimis badjelmeare olu maniid. Sii leat dieđihan ahte lea vuosttaš háve 15 jahkái go sis eai leat doarvái manit. (©NTB)
