-Almmuhus-
OĐĐASATEai leat goassege vuovdán eambbo Norggas buvttaduvvon gálvvuid 

Eai leat goassege vuovdán eambbo Norggas buvttaduvvon gálvvuid 

Journalista

-

-

Guđas logi norgalaččas dadjet ahte leat gávppašan eambbo Norggas buvttaduvvon gálvvuid koronaáiggis. NorgesGruppena vuovdinanalysa miessemánus, geassemánus ja suoidnemánus duođašta ahte oastit vuoiga gávppašit eambbo Norgga gálvvuid go goassege ovdal. 

Nilsen analysadoaimmahaga dieđuid mielde lei Norgga dállodoallogávppiid vuovdin 14 proseantta alit go diimmá vuosttaš jahkebealis. NorgesGruppenis leat sierra vuovdinlogut mat čájehit ahte vuovdinlassáneapmi lei olles 23 proseantta eambbo, buohtastahtton diimmážiin.

– Sivva lea covid-19, čilge NorgesGruppena konseardnahoavda Runar Hollevik, gii cuige golmma čuozahussii:

– Measta bealli dán lassáneamis boahtá das go Ruoŧa rádji lea leamaš gitta. Dasa lassin leat norgalaččat leamaš turisttat iežaset riikkas, seammás go oallugat leat boradan ruovttus olu eambbo go dábálaččat. Giddejuvvon rájáid dihte lea unnimusat čieža miljárdda ruvnno Ruoŧa gávppašeamis sirdojuvvon Norgii. Dat lea maiddái dagahan stuorra vuovdinlassáneami Norgga eanadoallobuktagiin, goasii 2 miljárdda ruvnnuin dán rádjai dán jagi.

NorgesGruppena analysa miessemánus, geassemánus ja suoidnemánus čájehit olu miellagiddevaš rievdadusaid:

– Geavaheaddjit leat gávppašan gálvvuid 2,7 miljárdda ruvdnui eambbo go seamma áigodaga diibmá.

– Geavaheaddjit leat gávppašan eanadoallogálvvuid (meieriijagálvvu, bierggu, gordnebuktagiid ja šattuid/ruotnasiid) 1,3 miljárdda ruvdnui eambbo seamma áigodagas diibmá.

– Oktasaš vuovdinlassáneapmi Norgga eanadoallogálvvuin leat máŋga duháha tonna.

– Máŋgga biebmobuvttadeaddjis lea leamaš hástalus dán jagi go guossohanmárkanis lea leamaš njiedjan, go leat gidden boradanbáikkiid. Máŋgasis dáin lihkus lea leamaš stuorra lassáneapmi dállodoallogávppiin. Mii oaidnit ahte eanet báikkálaš borramušbuvttadeaddjit vuoiga leat golmma geardde eambbo vuovdán min gávppiid čađa, ja lea govttolaš jáhkkit ahte dat lea gádjon olu Norgga bargosajiid, čuoččuha Hollevik.

– Lea positiiva oaidnit ahte go servvodat lea fas rahppon ceahkkálaga, de buorida dat dilálašvuođa maiddái eará guovlluin ealáhusdoaimmas, dadjá Hollevik. Son muitala maid ahte NorgesGruppena gávpedoaimmain, nu go guossohanmárkanis ja kioskamárkanis, leat maid leamaš mearkkašuhtti hástalusat maŋimuš mánuid.

-Almmuhus-