Gaskaijabeaivi lea duođai čáppat - ja dan lea ge dán vahkku vuoiti darvehan govvii. Searvva don ge govvagilvui!
Gaskaijabeaivi lea duođai čáppat - ja dan lea ge dán vahkku vuoiti darvehan govvii. Searvva don ge govvagilvui!
Vahkku 29 govvagilvvu vuoiti lea Maret Ravna Boine, gii lea juohkan čáppa gova gaskaijabeaivvážis «Instagram» govvajuohkin neahttasiiddu bokte, ja merken vel gova #avvirgeassi gilkoriin. Govva lea govvejuvvon Grøtfjord:as. Maret Ravna Boine lea juohkán gova suoidnemánu 12. beaivvi.
Loahppagilvvus mielde
Juohke vahkkus vuorbáda Ávvir govvagilvvus soames vuoiti geasa skeŋket flaxa-vuorbbi. Vuorbbis dieđusge sáhttá faskes miljovnna ruvnnu vuoittu, muhto vuoitogovat leat maiddái mielde geassegilvvu loahppagilvvus gos mii vuorbádit vuoiti buot vuitiid gaskkas. Loahppagilvvu vuoiti vuoitá govvenapparáhta.
Loga eambbo govvagilvvu birra ja geahča govaid maid olbmot leat merken #avvirgeassi gilkoriin.
Searvva gilvui
Ávvira govvagilvui lea hui álki searvat. Go juogát iežat govaid «Instagram» bokte, de merket dáid #avvirgeassi gilkoriin. Govat ilbmet min neahttasiidui ja don leat de mielde vuorbádeamis. Jus dus ii leat «Instagram», de lea vejolašvuohta searvat e-poasta bokte. Sáddes gova redaksjonen@avvir.no čujuhussii.
Dán rádjái leat 108:s juohkán geassegovaid «Instagram» bokte ja merken daid #avvirgeassi gilkoriin. Govvagilvu bistá borgemánu 5. beaivái, váldovuoiti almmuhuvvo borgemánu 7. beaivvi.
