Boahtteáiggi buohccedivššárstudeanttain ferte árvosátni 3 sihke rehkegis ja dárogielas.
Boahtteáiggi buohccedivššárstudeanttain ferte árvosátni 3 sihke rehkegis ja dárogielas.
Ráđđehus čavge buohccedivššároahpu sisabeassangáibádusaid.
2019 čavčča rájes fertejit ohccit olahan golmmeža árvosátnin rehkegis, ja dárogielas galgá gaskamearálaš árvosátni unnimusat golmmeš joatkkaskuvla dásis.
Ođđa gáibádusat galggašedje buoredit buohccedivššároahpu kvalitehta.
Dálkkasjuohkin
Máhttoministtar Henrik Asheim dadjá ahte buohccedivššáriin dárbbašuvvo nana rehketoahppu go galget dálkasiid juohkit.
– Rievttes medisiidnarehket lea dárbbašlaš buhcciid sihkarvuhtii, lohká son.
Gulahallan
Dárogiela gáibádus fas buoreda buohccedivššára ja pasieantta gulahallama, oaivvilda máhttoministtar.
– Buorre gulahallan, sihke čálalaš ja njálmmálaš lea dehálaš. Dát lea erenomáš dehálaš go gulahallá buhcciin, lohká Asheim NTB ođasdoaimmahahkii.
