17 proseantta Norgga oahpaheddjiin dadjet ahte geavahit olu áiggi skuvladiimmuin jaskkodahttit ohppiid. Logi jagi áigi vástidedje beali eanet dan seamma, čájeha ođđa guorahallan.
OECD Teaching and Learning International Survey iskkadeamis boahtá ovdan ahte ii ovttage eará riikkas leat dilli buorránan seamma olu go Norggas.
Eanaš riikkain dieđihit oahpaheaddjit baicce ahte geavahit eanet áiggi jaskkodahttit ohppiid dál go ovdal.
– Lea hirbmat buorre go Norgga skuvlla oahppobiras buorrána ja ahte luohkkálanjain lea eanet jaska. Dat mearkkaša ahte oahpaheapmái geavahuvvo eambbo áigi, dadjá diehto- ja integrerenministtar Jan Tore Sanner NTB ođasdoaimmahahkii.
Iskkadeamis oasálaste 48 riikka nuoraidskuvlaoahpaheaddji 2018:s.
Norggas serve badjel 4000 oahpaheaddji ja 162 rektora guorahallamii.
