-Almmuhus-
-Almmuhus-
OĐĐASAT UiT professor oažžu gonagasa ánsomedálja

UiT professor oažžu gonagasa ánsomedálja

-

-

Liv Helene Willumsen lea earret eará dutkan noiddiid doarrádallanproseassaid Finnmárkkus, ja son lea leamaš guovddážis go Steilenset muitobáiki ásahuvvui Várggáide Finnmárkkus. Borgemánus oažžu son gonagasa ánsomedálja guhkes áŋgiruššama ovddas servodatlaš áššiin, čállá UiT preassadieđáhusastis. 

– Earenoamáš buorre dovdu váldit vuostá dán medálja, dadjá Willumsen.

Willumsen lea professor emerita historjjás UiT:s, Norgga árktalaš universitehtas Romssas.

Guhkes áŋgiruššan

Son lea guhká áŋgiruššan noiddiid doarrádallanproseassain Finnmárkkus, ja son lea maid čállán máŋga girjji noaideproseassaid birra. 

Son lei guovddážis barggus go ásahedje turistageaidnoprošeavtta Steilneset báikái Várggáin, mii lea ceggejuvvon muitun dan 91 olbmui geat gottahalle noiddiid doarrádallanproseassaid oktavuođas. 

 

– Lea stuora gudni, ja dovddan ilu ja čeavláivuođa. Lea hui earenoamáš dán láhkai boahtit oidnosii, ja dovddan giitevašvuođa dadjá Willumsen UiT preassadieáhusas. 

 

Guovddážis noiddiid doarrádallanproseassain

Willumsen áŋgiruššan lea maid duogážiin ovtta operas man Ola Bremnes čálii. 

 – Steilneset muitobáiki ii leat dušše monumeanta daid ilgadis dáhpáhusain mat dáhpáhuvve noiddiid doarrádallanproseassaid oktavuođas. Dat lea seamma olu muittuhussan daid váikkuhusaide mat čuožžilit go fanáhtalaš jurdagat dahkkojit duohtan dievdduin geain lea fápmu, cealká Willumsen. 

 

Medállja addo borgemánus 

Gonagasa ánsomedállja addo bálkán barggus mas lea earenoamáš ávki servodahkii nugo dáidaga, kultuvrra, dieđasuorggis, ealáhusas, sosiálalaš- ja veahkkebarggu ovddas. 

 

Medállja juhkkojuvvo borgemánu 16.beaivvi diibmu 14:s Stádaarkiivvas, čállá UiT. 

- Advertisement -
-Almmuhus-