Birasdirektoráhtta boahtá Twitter-kontos čállit ruoššaluosa vuostálastima birra.
Birasdirektoráhta twitterkontos galget dávjá raporteret guollegilláriid birra maid bidjet jogaide, ja eará ođđasiid ruoššaluosa vuostálastima birra, erenomážit Romssa ja Finnmárkku jogain geasset.
Geasset čájeha maid Birasdirektoráhtta dađistaga iežas neahttasiiddus galle ruoššaluosa leat bissehuvvon beassamis bajás Norgga jogaide.
– Mii oaidnit ahte olusiid mielas lea gelddolaš oaidnit mo manná ruoššaluosa bissehemiin, maid mii vuordit boahtit olu Norgga jogaide dán geasi. Dál addit gehččiide vejolašvuođa čuovvut mielde ruoššaluosa vuostálastimis, dadjá Birasdirektoráhta direktevra Ellen Hambro.
