-Almmuhus-
OĐĐASATTsjernobyl-lihkohisvuođa váikkuhusat unnon

Tsjernobyl-lihkohisvuođa váikkuhusat unnon

Neahttaredaktevra

-

-

Tsjernobyl-lihkohisvuođa radioaktiiva bázahusat leat unnán váikkuhan guohtonelliide 2015:s. Eanandoallodirektoráhta mávssii birrasiid 300 duhát ruvnnu buhtadussan, lihkohisvuođabuhtadus ii leat goassege leamaš unnit go dán jagi.

Guobbariidda čoggo olu radioaktivitehta, danne guopparšaddu váikkuha dasa mo guohtonelliid radioaktiivadássi lea.

2015:s ledje unnán guobbarat miehtá riikka, dat mielddisbuvttii ahte dain elliin maid isket, lei unnán radiocesium, čállá Eanandoallodirektoráhtta preassadieđáhusastis.

 

Vuosttaš geardde go dárkkistangolut ledje eanet go biebmangolut

2015:s máksui badjelaš 200 duhát buhtadus go 1 748 ealli guđa fylkkas šadde dárkkistuvvot, ja de vel šadde biebmat oktiibuot 914 sávzza Opplánddas, Davvi-Trøndelágas ja Nordlánddas.

– Dát lea vuosttaš jahki, das rájes go Tsjernobyl-lihkohisvuohta geavai 1986:s, ahte dárkkistangolut leat leamaš stuorábut go biebmangolut.

 

Guohtonelliin isket radioaktivitehtadási, vai sihkkarastet ahte biergu aniha olbmuide borramuššan. Go elliin lea alladat radioaktivitehta go mearri, de bibmet daid vai radioaktivitehtadássi njiedjá bierggus.

-Almmuhus-