17 jagi maŋŋálaga lea gávpebláđđi Kapital nammadan Norgga 100 fámoleamos nissona. Bargo- ja searvadahttinministtar Tonje Brenna (36) lea dán jagi listtu bajimusas.
– Kapital sávvá lihku bargo- ja searvadahttinministarii Tonje Brennii go lea Norgga fámoleamos nissonolmmoš, dadjá doaimmaheaddji Vibeke Holth.
Kapitala doaimmahus ákkastallá ahte 36-jahkásaš šattai riikka fámoleamos nissonolmmožin dán láhkai:
– Bargo- ja searvadahttinministtarin lea Brennas bajimuš politihkalaš ovddasvástádus dasa ahte Norggas lea bures doaibmi bargomárkan. Son lea maiddái NAV, Bargobearráigeahču, Bargorievtti, Oadjorievtti, Riikasoabadeaddji, Searvadahttin- ja girjáivuođadirektoráhta ja Stáhta penšuvdnakássa bajimus jođiheaddji, čujuha Holth.
(©NTB)
