Okta Skandinavia bivnnuheamos artista, Timbuktu, boahtá Finnmárkui galledit mánáid ja nuoraid skuvlakonsearttain cuoŋománus.
Okta Skandinavia bivnnuheamos artista, Timbuktu, boahtá Finnmárkui galledit mánáid ja nuoraid skuvlakonsearttain cuoŋománus.
Timbuktu lea maŋemus jagiid šaddan hui geasuheaddji artistan, maiddái olggobealde hiphop birrasa. Son lea šaddan dehálaš politihkalaš ráppejeaddjin ja viežžá osiid Amerihká blues málles, Oarje-Afrihká musihkas, Jamaicas ja álbmotmusihkas.
Ollu bálkkašumiid vuoitán
Bivnnuheamos lávlagiiguin «Alla vil till himmelen», «Det löser seg» ja «The botten is nådd» čuojaha son ovttas Damn joavkkuin, geat leat šaddan dovddusin go ráhkadit movttegis musihka.
Timbuktu oaččui Davviriikkaid Ráđi giellabálkkašumi 2011:s, ja lea vihttanuppelohkái jagis ollen vuoitit čieža Grammis-bálkkašumi ja njeallje p3 Guld-bálkkašumi Ruoŧas.
Mátkeplána
Timbuktu álggaha čuojahanmátkki Várggáin (18.04), ja joatká mátkki Čáhcesullos (19.04), Deanus (20.04), Girkonjárggas (21.04), Báhcavuonas (22.04), Bearalvágis (25.04), Davvesiiddas (26.04), Kárášjogas (27.04), Leavnnjas (27.04) ja Guovdageainnus (28.04.).
Konsearttat leat buot skuvlamánáide vuosttaš luohká rájes gitta joatkkaskuvlaohppiide. Nu čállá SceneFinnmark neahttasiiddus.
