Ovtta jagis searvvi lahtuid lohku lassánii gávcciin duháhiin.
Sámi Valáštallan Lihttu (SVL) ovdánii bures 2022 ja 2023 jagiid gaskkas. Miellahtuid lohku lea lassánan 4 duháhis 12 duháhii ovtta jagis.
SVL hálddahusjođiheaddji Britt Somby muitala ahte dihtomielalaš barggu lea buktán bohtosiid.
– Sámi valáštallit leat eambbo oidnosis. Erenoamážit leat FA Sámis čeahpit vuovdalit iežaset, dadjá Somby NRK Sápmái.
SVL:s ledje 15 báikkálaš searvvi 2022:s. Loahpageahčen 2023 SVL registrerii 43 báikkálaš searvvi.