Odne ledje árbevirolaš Jergul-stohkosat Jergulis Kárášjoga gielddas. Geahča filmma:
Odne ledje árbevirolaš Jergul-stohkosat Jergulis Kárášjoga gielddas. Geahča filmma:
Jergul-stohkosat leat jahkásaš doalut mat lágiduvvojit Jergul Asttu šiljus stuorra illun kárášjohkalaččaide ja earáide. Dán jagi lei borgadálki iige beaivváš iđistan, muhto dat ii bissehan olbmuid searvamis stohkosiidda, stuora illun lágideddjiide. Badjelaš 150 olbmo ledje boahtán návddašit doaluid, muhtumat vuoji boahtán biillain ja earát fas skohteriin.
Doppe lei vejolaš herggiin vuodjit, ja dasa orui stuora beroštupmi.
Duđavaš
Jergul-stohkosiid lágideaddji Lill-Eli Jørgensen-Dahl lea duđavaš vaikko dálki ii lean buot buoremus dán jagi.
– Ii juohke jagi leat ávki váldit beaivvášdánsa, muhto lean hui duđavaš go ná olusat leat vuoruhan boahtit, lohká duđavaš Jørgensen-Dahl Ávvirii.
