-Almmuhus-
-Almmuhus-
OĐĐASAT Sunna Kitti almmuha ođđa ráido­girjji sáme­gillii 

Sunna Kitti almmuha ođđa ráido­girjji sáme­gillii 

-

-

Čálliidlágádus almmuha ođđa sárggasráiddu man Sunna Kitti lea čállán ja sárgon. Girjji namma lea «Jiehtanasa iđit» ja vuođđun gijrjái lea dovddus sámi čálus. 

Sunna Kitti lea ráhkadan iežas muitalusa Feallán Ándde eposa joatkkan. Anára nuorra dáiddár lea ieš sárgon govaid ja čállán teavsttaid govaide.

Sunna Kitti lea ráhkadan miellagiddevaš ja gelddolaš girjji sárggášráidun, mas namma lea «Jiehtanasa iđit». Sárggasráiddu vuođđun lea Feallán Ándde girji dehe Anders Fjellnera epos «Beaivvi bártni soakŋomátki Jiehtanasa máilbmái» .

Sárggasráiddus beassat oahpásmuvvat sámi bártniin Issáhiin.  Son gávdná  don bealde davimus nástti dološ máilmmi, man ávdin guovlluid hálddašit maŋimus jiehtanasat. Jiehtanasat namahit iežaset sápmelačča Beaivvi Bártni árbbolažžan, ja de čállet Issáhii oasi sin árbbis, man jiehtanasatge leat láhppán. Sárggasráidu ilbmá dál vuos davvisámegillii, ja ođđajagis dárogillii. Nu čállá Čállidlágádus preassadieđáhusas.

-Almmuhus-