Odne rabai Gonagas Harald ođđa Stuoradikki allaárvosaš doaluin.
Odne rabai Gonagas Harald ođđa Stuoradikki allaárvosaš doaluin.
Lávvordaga konstituerejuvvui Stuoradiggi, ja almmolaš rahpan galgá vieru mielde dáhpáhuvvat vuosttaš árgabeaivvi dan maŋŋel.
Rahpan mearkkaša ahte dál álget Stuoradikkis fas politihkalaš árgabeaivvit.
Ođđa áigodat
Rahpanseremoniijain álggahit ođđa stuoradiggeáigodaga 2017-2021.
Doalut leat árbevirolaš vieru mielde mii lei juo Vuođđolágas 1814.
Gonagasa truvdnosárdni, man ráđđehus lea čállán, ovdanbuktá váldolinjjáid ráđđehusa bargoprográmmas ja politihkas, ja dat sárdni mearkkaša dan ahte dál álget šiehtadallamat.
Gaskavahkku galleda Gonagas Harald ja ruvdnaprinsa Haakon Kárášjoga, doppe rahpá gonagas ges Sámedikki ođđa áigodaga.
Ráđđehusa stádabušeahtta biddjo ovdan duorastaga.
