Polára vuollegisdeatta boahtá Norgga guvlui, ja buktá borgga mearragáttiide meara dási rádjái. Dat sáhttá šaddat stuorát várra muohtarihtui, vároha NVE.
Polára vuollegisdeatta boahtá Norgga guvlui, ja buktá borgga mearragáttiide meara dási rádjái. Dat sáhttá šaddat stuorát várra muohtarihtui, vároha NVE.
Uđasvárra Davvi-Norggas lea várohuvvon leat 3 – mii lea hui alla várra.
Jus galgá johttit várregilggain, de ferte nanu máhttu árvvoštallat uđasvára, ja ferte váruhit mannat gilggaide mat leat eanet go 30 gráda čiehka.
Váttis dieđihit sihkkarit
Dán vahkkoloahpa šaddá čoaskáset dálki, biegga ja muohttá, mii bidjá ođđa muohttaga báikkiide gos sáhttá leat rihtovárra.
– Lea váttis diehtit sihkkarit guđe báikkiide deaivá arvi ja borga go lea polára vuollegisdeatta, muitala Uđasdieđáhusa váktajođiheaddji Espen Nordahl.
– Dál orro čájeheame ahte guovlluin mátta-Romssas ja Nordlánddas boahtá eanemusat borgat. Dain báikkiin lea uđasvárra 3, muitala Nordahl.
Varsom.no neahttasiiddus maid sáhttá beaivválaččat čuovvut mielde makkár várohusat leat eanaš guovlluin gos alla várit leat Norggas, muitala Norgga čazádat ja energiijahálddašeaddji (NVE) neahttasiiddus.
Nordahl ávžžuha buohkaid iskat makkár várohus lea daid beivviid go lea manname mátkái.
