Dan botta go artisttat Norggas gilvalit Spellemann-bálkkašumiid vuoitit, de lea sámi artista Elin Kåven áidna norgalaš gii lea nammaduvvon stuora bálkkašupmái Duiskkas.
Dan botta go artisttat Norggas gilvalit Spellemann-bálkkašumiid vuoitit, de lea sámi artista Elin Kåven áidna norgalaš gii lea nammaduvvon stuora bálkkašupmái Duiskkas.
The German Record Critics’ Award lea nammadan su suorggis «árbevirolaš etnalaš musihkka», ja vuoiti almmuhuvvo loahpageahčen dán mánu.
Ođđa skearru
Elin Kåvena ođđa skearru «Eamiritni – rimeborn», mii almmuhuvvo guovvamánu 15. beaivvi Norggas, lea nammaduvvon musihkkabálkkašupmái Duiskkas. Dán bálkkašumi jođihit 157 musihkkaárvvoštalli geat eai gula daidda kommersiála osiide Duiskkas. Skearru, man Norggas almmuha mánu geahčen, lea jo almmuhuvvon Duiskkas skábmamánus diibmá, ja lea buriid árvosániid ožžon.
Kåven illuda
– Lea nu issoras somá nammaduvvot Duiskka árvvoštalliin. Lea dego muitalus leamaš almmuhit skearru Duiskkas. Lean buohtastahtton Juhaniin geainna ovttasbarggan ahte munno ovttasbargu lea dego McCartney ja Lennon ovttasbargu. Dál vuorddán dan beaivvi go almmuhan skearru dáppe Norggas maid, muitala movttegis Elin Kåven.
Eanet bálkkašumi birra gávnnat dáppe.
