NRK Sámi mánáid-tv ráidu lea evttohuvvon vuoitit bálkkašumi máilmmi stuorámus mánáid-tv festiválas.
NRK Sámi mánáid-tv ráidu lea evttohuvvon vuoitit bálkkašumi máilmmi stuorámus mánáid-tv festiválas.
Prix Jeunesse lea mánáid-tv filbmafestivála. NRK Sápmi lei dieđihan sihke Iežár ja Stálugilvvut buvttadeami festiválii.
Measta 400 prográmma ledje dieđihuvvon Prix Jeunessei. Dušše okta viđátoassi dáin buvttademiin čájehuvvojit festiválas finalistan.
Stálugilvvut beasai mielde finálii, ja lea mielde kategoriijas “non-fiction 7-10 jahkásaččaide”, ja dán kategoriijas leat 21 buvttadusa finálas. Dan dieđiha NRK Sápmi.
– Dán in lean gal vuordán, go doppe lea nu jalla garra gilvu buvttadusaid gaskka. Mun gullen ovdamearkka dihte ahte mii časkkiimet maiddái SVT buvttadusaid, ja sihkkarit časkkiimet vel moadde BBC prográmma, lohká Stálugilvvuid bagadeaddji John Egil Utsi NRK Sápmái.
