-Almmuhus-
OĐĐASATStáhta ášše­dovdi biddjui olggos

Stáhta ášše­dovdi biddjui olggos

Journalista

-

-

NINA dutki Kjetil Hindar fertii guođđit Nuorta-Finnmárkku diggegotti.

Stáhta vihtan, Kjell Hindar, gii lea NINA dutki, bođii Nuorta-Finnmárkku diggegotti nuppi sálii čakčamánu gávccát beaivvi gaskabeaiáigge, guldalit maid lohket dikkis, vuosttaš sáles. Muhto Deanučázádaga Luossabreavaeaiggádat gal vuostálaste dalán. Gullojedje dieđiheamen duopmárii ahte go Deanučázádaga Luossabreavaeaiggádiid áššedovdi Steinar Pedersen ii beasa sisa, de ii heive ahte stáhta áššedovdi ge beassá čuovvut dikki.

– Dáppe lohket ahte beliid vihtanat galget meannuduvvot seamma láhkai, danin ferte guođđit dikki odne. Ihttin sáhtát boahtit, dieđihii ráđđehusadvokáhtta Helge Røstum.

-Almmuhus-