Ovddos-fitnodaga politihkalaš mihttomearri lei ásahit 78 ođđa bargosaji, ja dál lea dat prošeakta badjel beallemuttus juo ja de lea ge miellagiddevaš gullat movt fitnodagat leat ovdánan. Dán maŋemus oasis dán artihkalráiddus finadit mii Sokki Adventure fitnodaga álggaheaddji ságain.
Guovdageainnus lea Aslak Sokki veahážiid mielde ráhkadan vásáhusbáikki mas lea buot mii Sámis lea fállat, gos son maid atná ávkki iežas hárjáneamis boazodoalus.
Aslak Sokki lea bidjan olu áiggi ja resurssaid dán campii. Vaikko lea ge bearašfitnodat mas buohkat barget veahkkin, de lea álggaheapmi gáibidan olu investeremiid, masa son lea ožžon doarjaga.
– Doarjja ja rávvagat maid lean ožžon ovdánahttinfitnodagas leat leamašan oba mihá dehálaččat ja dat lea man dihte lean beassan duohtandahkat dan jurdaga ahte bargat sihke boazodoaluin ja álggahit fitnodaga mas fuolkkit ja olbmát maid oassálastet dalle go lea eanemus dárbu dasa.
Mii lea Ovddos?
Dieđut: Ovddos • Ovddos lea oasusfitnodat maid Guovdageainnu suohkan ollásit eaiggáduššá.
• Fitnodagas lea ovddasvástádus hálddašit nuppástuhttinprográmma. Guovdageainnus lea nuppástuhttinstáhtus 2019–2025 áigodaga ovddas. Nuppástuhttinprográmma galgá leat veahkkin ráhkadit ođđa bargosajiid ja sihkkarastit dálá bargosajiid ja nanosmahttit ealáhuseallima ja veahkkin buoridit innovašuvdnanávccaid.
• Fitnodatovdánahttinprošeavttaiguin – mat galget veahkkin nannet fitnodagaid gelbbolašvuođa ja olgguldas ovttasbargooktavuođaid. Dasa gulla maid buvtta-, proseassa-, organisašuvdna- ja márkanfievrridanovdánahttin.
• Gealboloktendoaibmabijuiguin – buoridan dihte fitnodagaid gilvvohallannávccaid gelbbolašvuođa loktemiin siskkáldasat fitnodagas.
• Ovttasbargoprošeavttaiguin – prošeavttat njulgejuvvon eanet fitnodagaide, doaimmaide ja organisašuvnnaide.
• Fitnodatovdánahttinprošeavttaiguin – mat galget veahkkin nannet fitnodagaid gelbbolašvuođa ja olgguldas ovttasbargooktavuođaid. Dasa gulla maid buvtta-, proseassa-, organisašuvdna- ja márkanfievrridanovdánahttin.
• Gealboloktendoaibmabijuiguin – buoridan dihte fitnodagaid gilvvohallannávccaid gelbbolašvuođa loktemiin siskkáldasat fitnodagas.
• Ovttasbargoprošeavttaiguin – prošeavttat njulgejuvvon eanet fitnodagaide, doaimmaide ja organisašuvnnaide.
– Movt don leat ná bures lihkostuvvan dáinna?
– Sokki Adventure ii leat dušše fitnodat, dat lea mátki njuolga sámi kultuvrra ja luonddu čábbodaga váibmui. Guossit muitalit sii nu liikojit dovdat friddjavuođadovddu ja ahte áigi lea dego veaháš bisánan dáppe, ja maiddái liikojit dan ealli sámi kultuvrii, muitala Aslak Sokki.
– Sii njorostallet, geahččalit herggiiguin vuodjit gilvvu, basset suovasbierggu ja návddašit dollagáfe lávus hávskes birrasis, dan botta go mii muitalit sámi kultuvrra ja historjjá birra dassážii go sii ille nagodit čalmmiid caggat, ja de mun jáhkán sii dovdet albma duohta dovdduid min luhtte ja sin vásáhusaiguin, muitala Sokki.
Sámás: Inger Máret Ánne Eira Gaup
