Muhtin oasit ođđa rádjeáiddis man leat huksemin Storskogas, sáhttet leat menddo lahka ruoššarájá. Dat mearkkaša ahte lagabui 50 mehtera áiddis sáhttá šaddat sirdot.
Muhtin oasit ođđa rádjeáiddis man leat huksemin Storskogas, sáhttet leat menddo lahka ruoššarájá. Dat mearkkaša ahte lagabui 50 mehtera áiddis sáhttá šaddat sirdot.
Norgga rádjekomiseara galgá leat dieđihuvvon hástalusa birra bearjadaga, čállá The Independent Barents Observer.
– Dás lea sáhka moatti centimehteris mii lea lagamus geainnu, lohká rádjekomiseara Roger Jakobsen.
Sirdet jus fertejit
Rádješiehtadusa mielde galge rádjelinnjá buohta leat njeallje mehtera gokko eai leat makkár ge hehttehusat.
– Jus dárkkistanmihtideamit čájehit ahte spiehkastat šiehtadusas, de sirdit áiddi dan moadde sentte, joatká Jakobsen.
Son lea dieđihan dili birra ruošša rádjekomiserii.
Áidi mii leat 200 mehter guhko ja 3,5 mehter alu máksá 4 miljovnna ruvnnu, dahje 20 duhát ruvnno mehteriis, dieđiha TV2.
Justiisadepartemeantta rehkenastá ahte áidi ja verrát galgá leat gárvvis gaskamutto golggotmánu.
