Dearvvašvuođadirektevra Bjørn Guldvog dadjá ahte soitet gáržžidit priváhta čoahkkanemiid.
Headjaávvudemiid maŋŋel Oslos ovddit vahkku lea 46 olbmui njommon korona. Birrasii 300 olbmo leat erremis geat ledje guovtti headjadoaluin.
Afshan Rafiq (Olgeš) háliida gieldit headjadoaluid ja eará priváhta doaluid Oslos.
Dál dadjá dearvvašvuođadirektevra ahte sii digaštallet eambo gáržžidemiid.
– Mii leat ovttaoaivilis Afshan Rafiq oaiviliin ahte lea dehálaš bijahit doaibmabijuid doppe gos njoammun dáhpáhuvvá. Soaitá leat áigeguovdil gáržžidit priváhta čoahkkanemiid, dadjá Guldvog VG aviisii. (©NTB)
