-Almmuhus-
VALÁŠTALLANSM loahpaheapmi Likšus

SM loahpaheapmi Likšus

Journalista

-

-

Odne loahpahuvvo Ruoŧa measttirgilvvut (SM) čáhcecrossas. Doppe leat golbma Sápmelačča njealji buoremusáid gaskas.

Čáhcecrossa lea hui beakkán valáštallan šaddan, ja odne loahpahuvvu ge Ruoŧa measttirgilvvut čáhcecrossas.

 

Vejolaš vuoitit

Deatnulaš Morten Blien lea nubbin gilvvus. SM:s leat čađahuvvon golbma gilvvu, ja Blien manahii nuppi gilvvu, go lei Amerihkás Majilmmimeasttirgilvvuin čáhcecrossas.

Doppe son ii lihkostuvvan luoikkasskohterin, muhto SM:s lea sus vejolaš vuoittit, go son lea vuoittán goappešat SM-gilvvuid maidda lea searvan, ja lea dál nuppi sajis.

 

Earáin maid vejolaš

Vaikke Bliena vurdet buohkat vuoittit, de leat doppe vel guokte eará sápmelačča geat sáhttet vuoddjit bures.

Guovdageaidnulaš Niillas Jovnna Länsman lea goalmmádin, dušše logi čuoggá Bliena maŋábeale, sáhttá maid vuoitit SM čáhcecrossa Lyckseles.

Sus ii leat nu bures manna ikte hárjehallamis, muhto son čájehii Bihttánis ahte lea garra gilvaleaddji, go ii lean eambbo centimehteriid duohken vuoittit. Son bođii nubbin dan gilvvus.

 

Joker

Kárášjohkalaš, Per Tommy Eideng, lea fas njealjádin SM:s.

Su ii várra vuordde okta ge galgat vuoittit, muhto dat dahká ge su veahá «jokerin».

Son lea vuoddján bures ja sáhttá váldit mielde SM medálja, vaikke vel golli.

 

Jus lea beroštupmi geahččat SM-loahppavuoru, de sáhtát dahkat dan dáppe.

 

Gilvvut álget diibmu 13.45

-Almmuhus-