Vuolleahkásaš skutervuoddji dolvojuvvui buohccevissui maŋŋel lihkohisvuođa mánnodaga.
Gilevuonas Finnmárkkus lei johtolatlihkohisvuohta mánnodaga maŋŋi eahkeda. Politiijat ožžo dieđu diibmu 20.50. Gádjunveahka vuoddjái lihkohisvuođabáikái gos personbiila ja skuter ledje beaškkehan oktii.
Biilavuoddjái ii šaddan mihkkege. Skutervuoddji, gii lea vuolleahkásaš bárdni, dolvojuvvui girdiin buohccevissui. Son ii galgga gal leat garrasit roasmmehuvvan.
– Eat dieđe juste man garrasit son lea roasmmehuvvan, muitalii Finnmárkku politiijaid bargojođiheaddji Maria Nilsen NTB:i.
Dán áššis eai sivat goappáge gárrenoaivvis vuodján, muhto politiijat leat álggahan ášši ja dutket dáhpáhusa, čálle sii mánnodat eahkeda X/Twitteris.
Biilavuoddjis leat váldán vuodjingoartta.
Lihkohisvuohta galgá leat dáhpáhuvvan go skuter lei rasttildeame 1497 biilageainnu Kifjordslettas Gilevuonas.
