Badjel 60-jahkásaš dievdu gávdnui jápmán Porsáŋggus maŋŋebárgga. Politiijat leat dutkagoahtán jápmima.
Maŋŋebárgga eahkeda badjelaš diibmu 18.00 ožžo politiijat dieđu dievddu birra gii lei gávdnon jápmán. Son galgá leamaš skohtermátkkis go fáhtehalai jápmimii. Bearaš dat dieđihii jápmima birra politiijaide.
– Bearaš dat gávnnai dievddu. Sii dáide fuolastuvvan ja vulge ohcat albmá, lohká Finnmárkku politiijaguovllu operašuvdnajođiheaddji Leo Johansen iFinnmark aviisii.
Politiijat leamaš váris viežžamin liika maŋŋebárgga eahkeda.
Báikkálaš
Porsáŋggu politiijastašuvnna jođiheaddji Siri Ulverud duođašta gaskavahkku iFinnmark aviisii ahte jápmán olbmos lea gullevašvuohta sin gildii.
– Dievdu lea eret Porsáŋggus ja son lea badjel 60 jagi boaris, lohká Ulverud.
Politiijat leat dutkagoahtán jápmima.
– Mii eat balat dán rihkusáššin, muhto fáhkkajápmimiid lea dábálaš dutkat, lohká son.
