Norgga Giellanuorat leat ilus dan ođđa giellapolitihka dihtii maid Skániid suohkan čađaha.
Norgga Giellanuorat leat ilus dan ođđa giellapolitihka dihtii maid Skániid suohkan čađaha.
Searvi lea ilus go Skániid ođđa suohkanstivra háliida galbet sámegillii ja go suohkan árvvoštallá searvat sámegiela hálddašanguvlui.
Norgga Giellanuoraid searvi bargá dan ovddas ahte čalmmustit giellariggodaga ja searvi oaivvilda suohkaniin nu go Skániin, leat ovddasvástádussan čalmmustahttit iežaset giellagirjáivuođa.
– Min mielas ii leat Skániid suohkan leamaš nu čeahppi čájehit ahte suohkanis leat sihke sámegielagat ja dárogielagat, danne lea illusáhka go dál leat váldán ovddasvástádusa nannet sámegiela. Mii doaivut ja jáhkit nannemis giellagirjáivuođa lea buorrin gielaide mat eai geavahuvvo dávjá Norggas, leaš dal sáhka ođđadárogielas, sámegielas vai kvenagielas. Giella mii lea oidnosis ja geavahuvvo, šaddá árgabeaivválažžan ii ge oro šat nu váralaš, muitala Synnøve Marie Sætre searvvi jođiheaddji.
Norgga Giellanuorat searvi sávvá Skániid giellapolitihka movttiidahttit eará gielddaid čuovvolit.
