Čuođijahkásaš Suoma gudnin Skábmagovat-festivála čájeha sámi- ja maorifilmmaid suoma-, eaŋgals- ja sámegielat teavsttaiguin. Vuosttas geardde lea Skábma-publikummas vejolašvuohta fitnat geahččamin maoriid Oscar-evttohasfilmma, mas lea sámegielat teaksta.
Maorifilbmadahkki ja neavttár Taika Waititi oanehisfilbma, Oscar-evttohasfilbma Two Cars, One Night lea tekstejuvvon sámegillii.
Filbma čájehuvvo Sajosis lávvardaga 28.1.2017 dii 10.00.
Waititi guhkesealligovva Boy fas lea tekstejuvvon suomagillii ja dat čájehuvvo Sajosis seamma beaivve dii 14.00.
Sámefilmmat tekstejuvvojit sihke suoma- ja eaŋgalasgillii
Lávvardat lea buorre beaivi maid sámefilmmaid ustibiidda, dasgo dalle lea fállun suomagillii tekstejuvvon sámefilmmaid čájáhus.
Davvi ruohttasat -čájáhusas leat buot sámi filmmat tekstejuvvon suomagillii dahje dat leat muđui suomagillii. Čájáhus lágiduvvo Sajosis dii 12.00.
Seamma sámi filmmaid sáhttá fitnat geahččamin Siiddas eaŋgalsgillii sotnabeaivve dii 10.00.
Davvi ruohttasat -čájáhus sisttisdoallá oanehisfilmmaid Juuret on, Vihtta vahkku vieljain ja guhkes dokumeanta Elsa Laula Renbergas.
Sámi filmmain maiddái Katja Gauriloff bálkkašuvvon dokumeantafilmma Mannu mie´cc Kai´ssi sáhttá fitnat geahččamin juogo eaŋgals- dahje suomagillii.
Filbma čájehuvvo maiddái lávvardaga dii 16.00 Sajosis eaŋgalsgielat teavsttaiguin ja sotnabeaivve dii 14.00 Siiddas suomagielat teavsttaiguin.
Bileahtaid sáhttá oastit interneahtas
Skábmagovat-festiválaide sáhttá oastit bileahtaid ovddalgihtii interneahtas čujuhusas www.skabmagovat.fi. Bileahtaid ovddalgihtiivuovdin interneahtas joatkašuvvá 22.1.2017 rádjái.
Filmmat čájehuvvojit sámekulturguovddáš Sajosis, Sámemusea ja luondduguovddáš Siiddas ja muohttagis huksejuvvon Guovssahasteáhteris.
Festiválavahkus bileahtaid sáhttá oastit Sámemusea Siiddas ja ovdal čájáhusaid Sajosis ja Guovssahasteáhteris.
