– Skábma-Snowfall lea dál virgálaččat Nordic Games -dáhpáhusa jagi speallu ja buoremus dáidda, almmuhit spealludahkkit Twitteris.
Dan sii muitalit odne, miessemánu 26. beaivvi.
Nordic Game lea okta Eurohpá stuorimus speallodáhpáhusain. «Skábma – Snowfall»- videospeallu lea máilmmi vuosttaš ollásit sámegilli dubbejuvvon dihtorspeallu. Dan lea Suoma beale Red Stage Entertainment fitnodat ráhkadan, mii lea Tamperes.
Skábma – Snowfall muitala nuorra boazoreaŋggas, gean namma lea Áilu. Áillus šaddagoahtá sierra dáhpáhusaid bokte diehtti ja noaidi.
Speallu almmuhuvvui diibmá, ja dat vuittii jo Best Creative Achievement of the Year -bálkkašumi Finnish Game Awards -gállas dán jagi miessemánus. Dan dieđiha, Yle Sápmi.