Deanu nieida Signe Marie Fidje Store vuittii silbba Internašunála heaibungilvvus New Yorkas. Finálas heaibbui máilmmimeaštára vuostá.
Deanu nieida Signe Marie Fidje Store vuittii silbba Internašunála heaibungilvvus New Yorkas. Finálas heaibbui máilmmimeaštára vuostá.
Signe Marie Fidje Store oasalastii internašunála heaibungilvvus New York gávpogis, USA:s odne.
Son lei áidna norgga heaibu gii oassálastii NYAC / BILL FARREL Memorial International Wrestling Championship gilvvus.
Alladeappot luohkás go láve
Son heaibbui 75 kilosaččaid seniorluohkás, ovtta luohká alladeappos go muđui láve heaibut.
– Sus lei olu buoret teknihka go nuppis, ja vuittii stuorrát M. Saurez badjel, olles 10-0, čállá Deanu heaibunsearvvi ruovttusiiddustis.
Finálas son deaivvadii USA nieiddain Adeline Grayain, guhte lea golbma gearddi seniorluohkká máilmmimeašttir, 2012:s, 2015:s ja 2016:s.
Fidje Store vuoittáhalai su vuostá finálas.
Mánu Canadas
Signe Marie Fidje Store lea dál guođđán Amerihká ja lea jođus fas Calgary Canadai.
Doppe son galgá manu vel leat, ovdal go loahpaha hárjehallandeaivvadeame mii bistá golbma mánu.
Son olle Norgii juovlamánu 16.beaivvi.
