Gávcci mánu maŋŋil go Sámi Grand Prix (SGP) lágiduvvui, ii leat cd vel ilbman. Ja geargá vel gollat mánnu ovdal go cd almmuhuvvo.
Gávcci mánu maŋŋil go Sámi Grand Prix (SGP) lágiduvvui, ii leat cd vel ilbman. Ja geargá vel gollat mánnu ovdal go cd almmuhuvvo.
Odne dieđihit Sámi Musihkkafestivála (SMF) ahte almmuhit SGP-cd Sámi álbmotbeaivvi boahtte jagi. Dalle almmuhuvvo duppal skearru, mas lea sihke SGP 2014 ja 2015 goabbat skearrus.
– Lea ádjánan veahá oažžut skearruid almmuhan ládje, muhto dál mii leat viimmat dan muttos ahte sáhttit almmuhit goas skearru lea oastimis, čállá festivála preassadieđáhusastis.
Leamaš buvttadeaddji haga čakčabotta
Dat lea mannan beare guhkes áigi oažžut cd almmuhanládje, ja dasa leat ákkat manin nu lea šaddan. Earret eará ii leat Musihkkafestiválas leamaš buvttadeaddji borgemánu 1. beaivvi rájes.
– Mii leat maid šaddan iešguđetge teknihkkalaš sivaid geažil eanas lávluid ja juigiid jienaid báddet ođđasit, čállá festivála.
Šállošit ja ohcet eará čovdosa boahtte jahkái
Sámi Musihkkafestivála šálloša go lea dán muttos guhkes áiggi váldán oažžut cd:iid almmuhanmuddui, ja nu ii galgga leat boahtte áiggis.
– SMF lea geahčadeame vejolašvuođa báddet 2016 cd juo ovdal go Sámi Grand Prix lágiduvvo beassášlávvordaga. Diehttelasat lea dušše geahčadanmuttos, ja ii leat sihkar lea go vejolaš dan dahkat.
