2021 Ungdata-iskkadeapmi čájeha ahte eanet nuorat rahčet rumašpreassain, ja dan oktavuođas lea Sex og Politikk revideren ođđa seksualaoahpahusa vuođđoskuvlii.
Iskkadeami oktavuođas lea Sex og Politikk válljen bidjat fuomášumi dasa guđat vahkkus ja fáddá lea #Mávssolaš- justa nu go leat!
Maŋimuš logi jagi lea searvi Sex og Politikk ráhkadan oahpahusávdnasiid guđat vahkkui. Ávdnasat leat nuvttá ja buot čállosat ja bargobihttát leat norbmakritihkalaččat ja dain lea positiivvalaš oaidnu seksualitehtii. Buktagat leat sámegillii, ođđadárogillii ja dárogielat čállingillii.
Doalut Kárášjogas
Juohke jagi lágida Sex og Politikk kampánjavahku guđat vahkku jagis, gos ovddidit áigeguovdilis fáttáid. Dán jagi bidjet fuomášumi dasa ahte juohke okta leat mávssolaš, justa nu go lea. Dán jagáš kampánjafáddá lea: #Mávssolaš- justa nu go leat! dahje dárogillii #Verdifull – akkurat som du er!
Oahpahusávdnasiid sáhttá nuvttá diŋgot ja diibmá lei 50 proseanta Norgga skuvllain váldán atnui oahpahusávdnasiid.
Dán jagi lágiduvvojit Kárášjogas doalut mas dát fáddá lea guovddážis, ja dasalassin boahtá Rolffa guoimmuhit doaluin guovvamánu 9.beaivvi Kárášjoga vuođđoskuvllas.
