Sápmi Pride 2023 lágiduvvo Heahtás, Suoma bealde Sámi, borgemánu 11. beaivvis gitta 13. beaivái.
– Sápmi Pride lea jo lágiduvvon Anáris ja Ohcejogas, nu ahte lea lunddolaš ahte boahtit dán beallai Sámi. Mii leat juohke sajis ja lea dehálaš ahte bonju sápmelaččat bohtet oidnosii ja ahte ráhkadit báikkiid gos sáhttet deaivvadit. Go jerrojuvvuimet báikkálaš nuorain boahtit deike, de dieđusge boahtit, dadjá Sunná Káddjá Valkeapää, Sápmi Pride ságadoalli.
Bearjadaga lea plakáhtaid bargobádji ja rahpansánit ja antirasismma ja dorvvolut saji bargobádji. Lávvordaga lea earret eará ráidovázzin, sáhkavuorut ja panelaságastallamat ja eará doalut. Olles prográmma gávnnat garmeres searvvi ruovttusiiddus.
