Romssa ja Finnmárkku fylkkagielda lea juohkán valáštallanstipeanddaid guđa nurrii.
– Mii leat ožžon mearihis olu buriid ohcamušaid dán jagáš valáštallanstipendii, muitalit fylkkagielddas preassadieđu bokte.
Sin mielas lei váttis válljet, muhto leat mearridan juohkit 15 000 ruvdnosaš valáštallanstipeanddaid golmma niidii ja golmma bárdnái mat leat čájehan buriid bohtosiid.
Kárášjoga nieida Sandra Maria Balto guhte aiddobáliid birgii bures davviriikkalaš gilvvuin lea sin gaskkas geat ožžot stipeanddaid.
– Romssa ja Finnmárkku fylkkagielda sávvá stipeandda bokte movttiidahttit nuoraid joatkit valáštallamiin. Dán jagáš stipeanddaidvuostáiváldit leat buorit ovddasteaddjit iežaset valáštallanjoavkkuide, gielddaide ja Romssa ja Finnmárkku fylkkagildii. Mii leat rápmásat juo daid bohtosiiguin maid dii lehpet olahan dál, dadjá fylkaráđđi Marlene Berntsen Bråthen.
Earát geat ožžo valáštallanstipeanddaid leat Álttá nieida Edel Elisabeth Håkonsen, Arne Lernes ja Hannah Sofie Larsen, Julian Svenning Sverresvold ja Johannes Lagesen Fagervold Romssas.
