Dáid beivviid galledit sámi ofelaččat Innlandet fylkka digitálalaččat. NTG Lillehammer, Lillehammer joatkkaskuvla Nord ja Storhamar joatkkaskuvllat ožžot gussiid dán háve.
Rukses dási dihtii joatkkaskuvllain, de šaddet digitála galledeamit olles vahkku Zoom bokte.
– Lea šállošahtti go ean beasa deaivvadit ohppiiguin fysalaččat. Lea álkit háleštit luohkkálanjas go Zooma bokte. Sávvamis sáhttit galledit skuvllaid fysalaččat fas, dadjá Ida Emilie M. Lindseth.
Innlandet fylka lea aiddobáliid vuolláičállán ovttasbargošiehtadusa Sámedikkiin, nannen dihtii Sámi fylkkas.
– Dávjá vajáldahttá man stuoris Sápmi duođaid lea. Manná lulás gitta Innlandii. Dál lea gelddolaš oaidnit man olu oahppit Innlandas dihtet sápmelaččaid birra, dadjá Nathaniel Holan Larsen.
