Skuvla lea doaibman 1978 rájes mas lea váldoossodat Anáris.
– Sámi oahpahusguovddážis lea dán guvlui hui stuorra mearkkašupmi. Mii skuvlet sámegielaid, sámekultuvrra ja maiddái ámmátlaš surggiid dáppe, dadjá guovddáža rektor Eeva-Liisa Rasmus-Moilanen Yle Sápmái.
Oahpahusguovddáš fállá earet eará oahpu duojis, sámegielas, medias, boazodoalus, málistanmáhtus ja olu eará surggiin. Skuvllas leat ásodagat maiddái Avvilis, Gápmasis ja Eanodagas.
Yle Sápmi dieđuid mielde Sámi oahpahusguovddáš pláne Anára váldoskuvlavistti divodišgoahtit boahtte geasi buoridan dihtii sisáimmu, ja nu maiddái galget ordnejuvvot ođđa luohkkálanjat.
