Dál besset sámi aviissat sihke báber- ja neahttahámis ohcat ruhtadoarjaga, dieđiha Mediabearráigeahčču.
Ohcanáigemearri lea cuoŋománu 14. beaivvi, ja Mediabearráigeahčču juolluda dán jagi 40 miljovnna ruvnno aviissaide.
Doarjjaortnet lea vuoruhuvvon aviissaide main lea sámi álbmot ulbmiljoavkun, dahje aviissaide mat dávjá almmuhit ođas- ja áigeguovdilisáššiid sámegillii. Doarjaga ulbmil lea nannet earret eará demokráhtalaš digaštallama ja giellaovdáneami sámi servodagas.
– Aviissain main lea sámi álbmot ulbmiljoavkun lea dehálaš rolla sámi servodagas, ja veahkehit čalmmustahttit sámi čállingielaid, dadjá Mediabearráigeahču juridihkalaš direktevra Hanne Sekkelsten.
Ávvir, Ságat, Snåsningen ja NordSalten Avis ožžo diibmá lagabui 39 miljovnna ruvnno. Ávvir ja Ságat ožžo eanemusat, oktiibuot 20,3 ja 17,2 miljovnna ruvdnosaš doarjaga.
