Sámegielaid gáiddusoahpahusprošeakta, man Ohcejoga gielda jođiha ja Sámediggi koordinere, lea ožžon joatkkaruhtadeami lohkanjahkái 2023–2024.
Prošeavtta ruhtadeaddji, oahpahus- ja kulturministeriija, lea čatnasan golmma jagi prošeaktaáigodahkii jagi 2026 rádjái. Sámegielaid gáiddusoahpahusprošeakta álggii 2018:s ja dálá prošeaktaáigodat nohká čakčamánus 2023.
Prošeaktahoavda Hanna Helander Ohcejoga gielddas illuda joatkkaruhtadeamis.
– Ođđa prošeaktaruhtadeapmi ja ministeriija čatnaseapmi golmma jahkái addá prošektii ja láhkaásaheddjiide lasseáiggi válmmaštallat daid rievdadusaid ja čovdosiid, maid dárbbašit sámegielaid gáiddusoahpahusfálaldaga bissovaš ásaheapmái Suomas, dadjá Helander.
