Suoma čuovvovaš riikkabeaiválggat leat 2.4.2023. Ráđđehusráđđádallamiin sohppojuvvo ođđa ráđđehusa linnjádemiin ja ráđđehusprográmma sisdoalus.
Sámediggi lea gárven iežas evttohusa sámiid guoski áššiin, mat boađášedje ráđđehusprográmmii. Sámedikki stivra lea dohkkehan 22.12.2022 materiála ráđđehusráđđádallamiid vuođđun.
– Sámiid áššit gullet riikamet «brandai» oassin, ja nappo dat leatge olles Suoma ášši. Háliidit nannet Suoma stáhta ja sámiid gaskasaš oktasašbarggu ja gulahallama. Dát dárkkuha oktasaš áddejumi ja luohttámuša ráhkadeami, muitala Sámedikki 1. várreságajođiheaddji Anni Koivisto.
Sámediggi geahččala oažžut čuovvovaš ráđđehusprográmmii 2023–2027 doaibmabijuid sámiid vuoigatvuođaid ovddideami várás.
Sámedikki váldotemát leat: 1) giella buktá eallinfámu – oahpahus buktá boahttevuođa, 2) parlamentáralaš doaibmagoddi ovddidit sámi ealáhusaid, ja 3) prográmma ON:id eamiálbmogiid vuoigatvuođaid julggaštusa ollašuhttima várás.
