Sámediggeráđđi lea juolludan 200 000 ruvnno Plassje gildii giellaarenaide «Skuvlen mænngan» ja «gïeletjïehpije».
Skuvlen mænngan lea giellamovttiidahttinprošeakta mii lea heivehuvvon ohppiide vuosttaš luohkás gitta njealját luohkkái ja mii galgá leat veahkkin nannemin ja lasiheamen lullisámegiela geavaheami árgabeaigiellan skuvlaasttoáiggeortnegis (SÁO) giellaoahppanmodealla giellatjiehpije bokte.
Gïeletjïehpije lea giellasimuláhtor mii lahkalagaid bargá mánáiguin, iešguđetlágan fáttáiguin ja doaimmaiguin sámegillii.
Plassje gielda lea skuvlajagi 2020/2021 rájes gitta otnážii ovddidan ja čađahan prošeavtta Skuvlen mænngan, ja Plassje suohkan oaidná dárbbu joatkit ja buoridit fálaldaga.
– Lea dehálaš ahte gávdnojit giellaarenat mánáide ja nuoraide, maiddái olggobealde dábálaš skuvlaáiggi. Skuvlaasttoáiggeortnegii gulli giellaarena lea buorre giellaarena, gos mánát čoahkkanit maŋŋá skuvlaáiggi stoahkat ja oahppat. Dákkár arenat leat mielde doarjumin giellageavaheami ja addet gillii stuorát árvvu. Lea illudahtti sáhttit doarjut dákkár giellaarena, dadjá sámediggeráđđi Mikkel Eskil Mikkelsen (NSR).
