-Almmuhus-
OĐĐASATSáhko­halai go vujii menddo leahtus

Sáhko­halai go vujii menddo leahtus

Journalista

-

-

Finnmárkku politiijat leat čađahan vihtta johtolatbearráigeahču gaskavahkku, okta biilavuoddji sáhkohalai. 

Johtolatpolitiijat čađahedje leaktobearráigeahču E6 geainnus Stuoravuona buohta, Unjárgga gielddas, gaskavahkku maŋŋelgaskabeaivvi. 

– Okta biilavuoddji vujii 89 kilomehtera diimmus gos leaktomearri lea 80 kilomehtera diimmus. Son sáhkohalai, čállet Finnmárkku politiijaguovllu Twitteris. 

Politiijat leat čađahan oktiibuot vihtta johtolatbearráigeahču Finnmárkkus gaskavahkku. 

Vihtta bearráigeahču

Álttás čađahedje johtolatbearráigeahču Bossegobi skuvlla luhtte iđđedis. Politiijat bissehedje 30 biilla, ii oktage lobihuššan. 

Davvesiidda gielddas dárkkistedje johtolaga sihke Sarvvajávrris ja Gilevuonas, biilavuoddjit eai rihkkon makkárge njuolggadusaid dán guovtti báikkis. 

Skuvvanváris, Porsáŋggus ges čađahedje leaktobearráigeahču, biilavuoddjit eai vuodján badjel leaktomeari.

  

-Almmuhus-