Ruovttusuodjalusveahka mátkkošta Minnesotai hárjehallat US National Guard:in. Áigumuš lea nannet militearafágalaš ja sosiála čanastagaid dehálaš NATO-lihtolaččain.
Seammás boahtá US National Guard veahka Norgii dálvehárjehallamii, gos maid ožžot oahpu Norgga suodjalusbagadalliin. NOREX lea jahkásaš lonohallan gaskkal Norgga Ruovttusuodjalusa ja Amerihkálaš National Guard. Norgga soalddáhat mannet oahppat mo amerihkálaš soalddáhat barget ja Amerihká soalddáhat bohtet Norgii oahppat mo birget dálvemáilmmis. Norgga joavkkus leat 108 oasseváldi dán jagi.
– USA ja Norga leat lagaš lihtolaččat ja mii leat guhkitáigge hárjehallan ovttas. Dákkár lonohallan galgá nannet suodjalusa ja NATO lagaš oktavuođa militearalaččat, muhto maiddái ráhkadit sosiála deaivvadanbáikki gaskkal guovtti riikka mas leat olu oktasašvuođat. Eat ge sáhte vajáldahttit ahte lea stuora Norgga-Amerihkálaš biras Minnesotas, gos leat olu kultuvrralaš ja historjjálaš čanastagat Norgii, muitala oberstløytnanta Bernt Lockert, geas lea ovddasvástádus dán jagaš lonohallama oktavuođas.
