Olu riikkat Eurohpás vásihit dáid beivviid lassáneami ođđa koronadáhpáhusain. Muhto ii Ruoŧas, go doppe orru mannamin rievttes guvlui.
Suoidnemánu rájes leat Ruoŧas, muhtun spiehkastagain, leamašan okta–vihtta koronajápmima juohke jándora.
Maŋimuš 14 beaivvi leat leamašan 22,2 njoammuma juohke 100 000 olbmos gránnjáriikkas, dan botta go Norggas leat leamašan 28,4 njoammuma.
Dan čájeha Eurohpá eastadeami ja buozalmasvuođadárkkisteami guovddáža oppalašgeahčastat.
22 Eurohpá 31 riikkas leat áigodagas leamašan alit njoammunlogut go Ruoŧas.
