Suopma lea gidden rájá ruoššaide ja heaitán addimis sidjiide visuma, muhto go šaddá hállu mátkkoštit rájá rastá gávppašit, de váldet ruošša turisttat geainnu Norgga čađa.
Norga ii leat gidden rájá, ja rádjerasttildeapmi Storskogas Finnmárkkus lea šaddan báikin gos ruoššat, geat ožžot visuma, deike bohtet. Go vuos leat Norggas – ja siskkobealde Schengena – de sáhttet vuodjit Suoma rájá rastá, mii ii bearráigehččojuvvo, ja gávppašit, čállá Euractiv.
Beaivválaččat bohtet busse dievva olbmot geain leat guhkes gávppašanlisttut. Káffe, šukkoláda ja vuostá leat bivnnuhis gálvvut ruoššaide geat gávppašit rájá nuppe bealde.
Näätämö guokte giehmánni leaba juohkásan. Dan botta go nubbi gieldá addimis ruoššaide vejolašvuođa oažžut ruovttoluotta momssa, de čáliha nubbi guitte eksportii ja guođđá tuolluide barggu háliidit go dohkkehit dan vai eai.
(©NTB)
