Duopmu lea celkon Oslos odne, skábmamánu 29. beaivvi.
Golggotmánu 11. beaivvi Ruošša stáhtaboargár lei jođus Ruššii, muhto bissehuvvui Storskog duollodárkkisteamis. Duollobálvvát gávdne sus drona ja eará teknihkalaš rusttegiid.
Dál lea son dubmejuvvon Oslo diggegottis 120 beaivái čohkkát giddagasas go lea lobiheamie girddašan dronain Norggas.
Son galgá girdán dronain 47 gearddi borgemánu 27. beaivvi ja golggotmánu 11. beaivvi gaskkas.
Ruošša stáhtaboargár ii loga diehtán ahte ii lean lohpi girdit dronain ii ge dovdda iežas sivalažžan áššis.
Dan čállá TV2.
