Ruošša ii leat čuovvolan áitaga bidjat soahteveagaid Suoma-rádjái maŋŋel go Suopma searvvai NATO:i. Nu dadjá Suoma olgoriikaministtar.
– Ruošša almmuhii juo juovlamánus diibmá ahte áigot ásahit ođđa militearaovttadagaid riikka davveoarjjabeallái dainna ákkain ahte NATO dáhtui viiddidit oassálastima. Dan duohtan dahkat ii oro manname nu jođánit, dadjá olgoriikaministtar Elina Valtonen e-poasttas AFP ođasdoaimmahahkii.
Son lohká ahte ain lea ráfálaš nuortaguovllu rájá luhtte.
– Dán áiggi orrot Ruošša resurssat čadnon eará báikkiide, lasihastá Valtonan ja čujuha Ukraina soahtái.
Suopma juohká 1340 kilomehtera guhkkosaš ráji Ruoššain. Go Suopma šattai NATO-lahttun, de celkkii Ruošša ahte sin sihkarvuohta lea hedjonan ja lohpidedje cegget taktihkalaš ja strategalaš vuostálastindoaibmabijuid. (©NTB)
