Ruošša olgoriikadepartemeanta almmuhii dan borgemánu 18. beaivvi. – Bargu doaibmá bures sin haga, dadjá Anniken Huitfeldt.
Ruošša sivvahallá Bararentsráđi miellahtuid das go ii beasa váldit badjelassii ráđi jođihanstuolu. Vuoruid mielde galget Norga, Ruoŧŧa, Suopma ja Ruošša jođihit ráđi. Dál galggašii Ruošša guovtti jahkái oažžut Barentsráđi jođiheami golggotmánu rájes.
Norgga olgoriikaministtar Anniken Huitfeldt váldá vuhtii dieđu Ruoššas.
– Ovttasbargu «Friends of the presidency» formáhtas (Ruošša haga), go Suopma lea jođihan, lea doaibman bures ja váikkuha ovttasbarggu gievrudeapmái Davviriikkain, čállá Huitfeldt NTB:i.
– Ruošša aggressiiva soahti kránnjáriikkas oažžu váikkuhusaid, maiddái regionála ovttasbarggus davvin, čállá Huitfeldt.
(©NTB)
