Elbiillat ja bieggaturbiinnat veahkehedje loktet máilmmigávppašeami ođđa olahusdássái diibmá, UNCTAD ON-organisašuvnna dieđuid mielde.
Vaikko lea ge leamašan gávpesoahti USA ja Kina gaskka, Ruošša invašuvdna Ukranias ja alla inflašuvdna de liikká lassánii globála gávppašeapmi.
Čoggojuvvon árvu lei 32 000 miljárdda dollár, UNCTAD dieđuid mielde. Supmi lea 330 000 miljárdda ruvnnu.
Bálvalusgávppašeapmi lassánii 15 proseanttain ovddit jagi ektui. Gálvogávppašeapmi lassánii 10 proseantta. Okta ákkain lei ahte logistihkkaváttisvuođat máilmmi hápmaniin maŋŋel pandemiija čovdojuvvo.
Dasa lassin lea hui garrasit lassánan el-biillaid, bieggaturbiinnaid, plásttakeahtes dovnnjiid ja eará gálvvuid gávppašeapmi mat veahkkin unnidit dálkkádatgássaid luoitimii.
(©NTB)
