-Almmuhus-
-Almmuhus-
OĐĐASATRuoná riikkat šaddet fiskadin

Ruoná riikkat šaddet fiskadin

-

-

Norgga ráđđehus lea mearridan ahte buot ruoná riikkat šaddet fiskadin. Ráđđehus gieldá buot dárbbašmeahttun mátkkoštemiid eará riikkaide. 

Koronadávdda leavvama dihte olu riikkain, de lea Norgga ráđđehus mearridan bidjat buot ruoná riikkaid fiskadin. Vaikko ruoná riikkat leat šaddan fiskadin, de eai šatta olbmot erremii geat bohtet fiskes riikkain. 

Seammás gieldá ráđđehus dárbbašmeahttun mátkkiide mannat. 

– Mátkkošteamit olgoriikii sáhttet mielddisbuktit koronadávdda njoammuma, vaikko leat dušše mátkkošteamit riikkaide gos eai leat errengáibádusat. Dasto oaivvildit mii ahte ii leat šat ágga gohčodit makkárge riikka ruonán, dadjá stádaministtar Erna Solberg. 

Stádaministtar lohká maid ahte dál lea dehálaš jurddašit lea go dárbu mátkkoštit eará riikkaide. 

Rukses riikkat, gos leat alla njoammunlogut, bistet ain ruoksadin ja lea errengáibádus. 

-Almmuhus-